26 de Novembro de 2013

 

O ex do Obradoiro, Levon Kendall, está feito un cantante. Non, non nos estamos a meter con este excepcional xogador, o cal deixou unha fonda marca no club compostelán.

 

Alén de marabillarnos co seu xogo de pés, coa destreza no xogo ofensivo e coa súa versatilidade, o pivote de Alba de Berlín faino agora coa súa voz. Despois de demostrar en Compostela as súas dotes musicais, agora se introduce de cheo no mundo da música ao presentar o seu primeiro videoclip, “Destined”.