13 de Novembro de 2013

 

Segundo informa a axencia de noticias Europa Press, a Asociación Pro Dereitos Humanos de España mostrouse contraria á celebración do encontro de fútbol que disputarán o vindeiro venres as seleccións de España e Guinea. Así llo fixo constar o presidente da dita asociación, Jacinto Lara Bonilla, ao máximo responsable da Real Federación Española de Fútbol, Ángel María Villar.

 

O motivo radica no desprezo cara aos dereitos humanos do dirixente guineano Teodoro Obiang, cabeza dun goberno “corrupto” e no cal a tortura e detención arbitraria “se producen de forma sistemática”.

 

Dada a visibilidade da selección española como campioa mundial e europea, Lara Bonilla considera que a celebración deste partido só contribúe á proxección dunha falsa rexenación democrática en Guinea Ecuatorial. Finalmente, a APDHE lamenta a falta de sensibilidade da federación española respecto dos dereitos humanos.