30 de Novembro de 2013

 

Dada a ausencia de Cristiano Ronaldo, Gareth Bale contraía para este encontro ante o Valladolid o papel de referencia principal do Real Madrid. O galés non defraudou, xa que foi autor de 3 dos 4 tantos que o seu equipo anotou esta noite no Santiago Bernabeu.

 

Magnus Carlsen realizou o saque de honra antes do partido, mais o choque non foi precisamente unha partida de xadrez. Os locais saíron en busca da vitoria desde o principio, mais os albivioletas aguantaban o empate a 0 nos primeiros minutos. Nesta circunstancia, xogou un papel fundamental o porteiro galego Diego Mariño, que realizou un soberbio paradón no minuto 23 en resposta a unha bolea de Di María. No minuto 32, Gareth Bale abriría o marcador e, no 35, Benzema puña o 2 a 0 co que se chegou ao descanso.

 

Malia o troco realizado polo Valladolid no intermedio (Omar por Larsson), a tendencia do partido non mudou na segunda metade. No minuto 63, Gareth Bale anotaba para os madridistas e, no 89, marcaba o 4 a 0 definitivo. Aínda o Real Madrid no minuto 84, por mediación de Jesé, puido lograr un tanto máis, mais a actuación de Diego Mariño impediu tal circunstancia.