28 de Novembro de 2013

 

Segundo publica hoxe na súa páxina web Mercedes Petronas, Ross Brawn deixará a finais deste ano (concretamente, o 31 de Decembro) a dirección da escudaría alemá de Formula 1. Faino, segundo el mesmo declara, polo ben do equipo, e para garantir o seu futuro.

 

Para Brawn, o 2014 será un ano de cambio no deporte e, por iso, declara: “sentimos que este era o momento para comezar asemade unha nova era de xestión de equipo para asegurar que a organización estará nos próximos anos na competición na mellor posición posible”.

 

Desta forma, a partir de Xaneiro de 2014, Mercedes Petronas estará suxeita ás ordes de Toto Wolff (o director executivo de negocios) e Paddy Lowe (o director executivo técnico).