7 de Xaneiro de 2014

 

O piloto de Formula 1 Fernando Alonso está a traballar nun ambicioso proxecto: a conformación dun equipo ciclista. Hoxe, a través de Cyclingnews, soubemos o nome do manager desta escuadra, que non é outro que o do afamado sprinter italiano Paolo Bettini.

 

É a de Bettini, pois, a primeira fichaxe de Alonso, que conta con ter ao seu equipo listo para competir no próximo ano. Aos seus case 40 anos, o ex ciclista afronta con ilusión este novo reto e declara que, aínda que os acontecementos relativos á súa contratación se precipitaron entre principios de Decembro e o Nadal, sentía que estaba a pasar por diante de si “un gran tren” que non podía deixar escapar.