11 de Novembro de 2013

 

Parece irreal o relato desta noticia, mais publícaa hoxe pasionlibertadores.es. En Inglaterra, os xogadores do Leyton Orient, da terceira división, quedarán sen un dos seus pasatempos.

 

Ao inicio da temporada, o equipo británico levaba 8 vitorias en 8 partidos. Porén, agora, este conxunto non levanta cabeza. Cal é a causa dos malos resultados de agora? Os rivais xa coñecen as súas tácticas? O equipo está canso? Nada diso. Segundo o seu adestrador, a causa radica no FIFA 2014 e, de feito, parece ser que a data do lanzamento do videoxogo coincide co principio da mal xeira de resultados. E é que, segundo cre a directiva, as horas que pasan os futbolistas a practicar o fútbol virtual inflúe negativamente no seu xogo. Por iso, o club decidiu a prohibición do FIFA 2014 aínda que, ironías da vida, é este famoso videoxogo de EA Sports o patrocinador do equipo.