1 de Novembro de 2013

 

As semifinais do Master 1000 da ATP de París no puideron ser máis benevolentes cos seareiros do tenis, do bo tenis, daquel tenis que consegue que o público vibre e se divirta. Mañá, sábado, enforntaranse nas semifinais do torneo parisino Djokovic (número 2 do mundo) contra Federer (até o momento, por palmarés, o mellor xogador da historia do tenis).

 

Djokovic elminiou ao suízo Wawrinka nun partido en dous sets, dos cales no primeiro o serbio conseguiu un resultado contundente. Ao final, o partido decidiuse por 6-1, 6-4.

 

Máis apuros pasou Federer para derrotar ao arxentino Del Potro. O partido foi bastante igualado. Del Potro venceu no segundo set, mais ao final valeu a maior efectividade do suízo en puntos gañados co seu saque, 53 de 69, un 77%. O marcador final: 6-3, 4-6, 6-3.

 

Na outra parte do cadro, o número 1 do mundo, Rafael Nadal impúxose ao francés Gasquet por 6-4, 6-1 e o seu rival nas semifinais será David Ferrer,  que derrotou a Tomas Berdych por 4-6, 7-5, 6-3. Outro duelo de alturas: o primeiro do ránking ATP contra o terceiro.