2 de Novembro de 2013

 

Final de altura para o Master 1000 da ATP de París neste ano 2013, que enfrontará aos número 2 e 3 do ránking da ATP: Novak Djokovic e David Ferrer.

 

No encontro entre españois, Rafael Nadal non puido facer valer o seu excelente momento de forma e caeu ante o número 3 do mundo, David Ferrer, cun marcador de 6-3, 7-5. O valenciano superou ao mallorquín en puntos de quebra de servizo salvados (6 de 7, un 86%) e conseguiu un 72% de acerto (36 de 50) en puntos de segundo servizo.

 

Na outra semifinal, Novak Djokovic venceu a Roger Federer nun vibrante partido a tres sets. O suízo logrou anotar no seu casilleiro o primeiro set (4-6), mais sucumbiu nos dous seguintes, sendo o resultado final: 4-6, 6-3,6-2. Foi un partido moi igualado, que decidiu o serbio ao seu favor mercé grazas á súa superioridade no apartado de puntos gañados en devolución do segundo servizo (18 de 30, un 60%).

 

Desta forma, Djokovic terá mañá a oportunidade de revalidar o título conseguido en 2009 e de recurtar diferenzas con Rafael Nadal, número 1 do ránking da ATP.

 

Grupos para o Master de Londres:

 

Por outra parte, este sábado tivo lugar no O2 de Londres o sorteo das Finais do Barclays ATP World Tour, que como cada ano enfronta aos oito mellores tenistas do mundo. Estes foron os emparellamentos:

 

GRUPO A:

 

Rafael Nadal

David Ferrer

Tomas Berdych

Stanislas Wawrinka

 

GRUPO B:

 

Novak Djokovic

Juan Martín Del Potro

Roger Federer

Richardt Gasquet