16 de Novembro de 2013

 

Os espectadores que acudiron esta tarde ao Pavillón de Vista Alegre presenciaron o empate a 2 entre CD Burela e Gran Canaria.

 

Campoy adiantaba aos canarios no marcador no minuto 4, ao aproveitar un rexeite de Edu. O Gran Canaria dedicouse entón a presentar unha férrea defensa. Non obstante, Antoñito contrarrestaría a vantaxe visitante no minuto 13. Con empate a 1 chegouse ao descanso.

 

Á volta do intermedio, os galegos dominaban o encontro e o balón. Porén, nun contragolpe dos visitantes o xogador do Burela Mimi anotaba por mala fortuna un gol en propia meta no minuto 24. Co marcador en contra, os locais botáronse aínda máis ao ataque, e Mimi exercía como porteiro-xogador.

 

Semellaba que o Burela ía apañar a derrota, mais a falta de 18 segundos Matamoros lograba o tanto do empate a 2 definitivo. Con este resultado, os galegos quedan en sétima posición, con 15 puntos, aínda en postos de play-off.