5 de Novembro de 2013

 

Partido vibrante o vivido esta noite no Juventus Stadium. Avisaron primeiro os madridistas, no minuto 9, mercé a un remate de Cristiano Ronaldo que paou lambrendo o pau. Porén, no primeiro tempo a Vecchia Signora buscou o gol con maior insistencia, e malia o acerto de Iker Casillas, no minuto 40 o colexiado sinalou un penalti claro a favor dos juventinos, que deixou como consecuencia o gol de Vidal e o cartón amarelo a Varane. Co resultado de 1 a 0, finalizou a primeira parte.

 

Tras o descanso, o partido tornouse eléctrico. No minuto 52 chegou o primeiro gol de Cristiano Ronaldo para o Real Madrid, no 55 Xabi Alonso espetou un balón no pau e, no 59, o galés Gareth Bale puxo o 1 a 2. Veremos este gol reproducido no vídeo que ofremos abaixo.

 

Os madridistas déranlle a volta ao marcador, mais por pouco tempo. No 64, o ex do Athetic Fernando Llorente deixaba o marcador o resultado final de empate a 2.

 

É a primeira vez que ambos equipos empatan nun partido de Champions League. O Real Madrid fica desta forma líder do grupo A con 10 puntos, 7 máis que os eu rival nesta noite, a Juventus, que é o pechacancelas.