10 de Novembro de 2013

 

Mala sorte para o Vigo Rugby Club nesta xornada, pois caeu na casa ante o Bathco Rugby Santander. O conxunto galego levou a iniciativa no marcador durante o primeiro tempo e, ademais, o partido escapoulle nunha xogada puntual.

 

Aos 4 minutos puntuaba George para os galegos mercé a un sin-bin. No 12, outro tanto deste estilo de Maka poñía o 3 a 0 co que se chegaría ao descanso. A vitoria cobraba especial valor se temos en conta que, desde o minuto 7, o Vigo RC xogaba con 14 debido á expulsión de Abadía.

 

O campo das Lagoas estaba invadido pola néboa, e o ambiente parecía anunciar o fatal desenlace. No segundo tempo, no minuto 43, o Bathco adiantábase mercé a un ensaio. O árbitro principal non o viu, mais o liña asistente outorgouno. O resultado naquela altura era de 3 a 5, e así quedou ao final do partido. O Vigo Rugby Cluc terá que agardar para celebrar a primeira vitoria.