11 de Novembro de 2013

 

Que Felipe Massa abandonaría, despois de sete anos, a escudaría Ferrari, era un feito sabido. Porén, desde hoxe, coñecemos cal será o seu novo equipo. A partir da nova temporada, o brasileiro pasará a ser piloto de Williams. Así o comunicou a escudaría británica hoxe na súa páxina web.

 

En declaracións a williamsf1.com, Felipe Massa admitiu que a fixache por Williams é para el un soño cumprido, pois afirma que desde neno soñara con ser piloto de Ferrari, Williams ou McLaren. O soño de pertencer ás dúas primeiras, xa está cumprido.

 

Igualmente, mostrouse o piloto agradecido polo interese da súa nova escudaría, a cal considera, como Ferrari, unha icona do deporte mundial.

 

Massa terá como compañeiro a Valtteri Bottas, quen se mostrou ilusionado por compartir escudaría co brasileiro.