11 de Novembro de 2013

 

Malia a derrota do sábado do Obradoiro no Olimpic de Badalona ante o Joventut (70-63), o estadounidense Mike Muscala, do conxunto santiagués, foi incluído no quinteto ideal desta xornada da ACB.

 

Con 17 puntos, 16 rebotes e 2 recuperacións, Muscala atinxiu os 33 de valoración. En recoñecemento pola súa entrega, acompaña aos madridistas Sergio Rodríguez e Nikola Mirotic, ao baskonista Fernando San Emeterio e ao taronja Justin Doellman na listaxe dos 5 mellores xogadores da xornada.

 

Ademais, Muscala foi o máximo reboteador da xornada e o terceiro con mellor valoración, por detrás de Mirotic (38 puntos) e Doellman (42 puntos).