5 de Novembro de 2013

 

Vitoria sufrida a desta tarde de Rafael Nadal ante o suízo Stanislav Wawrinka por 7-6, 7-6. Vitoria sufrida mais con valor dobre, xa que mercé a ela o mallorquín asegura o número 1 do ránking de ATP.

 

Wawrinka chegaba nun óptimo estado de forma a esta Copa de Mestres de Londres 2013. Xa o demostrara na anterior xornada, ao dar a sorpresa ao derrotar ao checo Tomas Berdych. Nesta ocasión, estivo tremendamente efectivo, e incluso provocou que Nadal que tivese que superar até 5 puntos de break. No entanto, o seu oponente tirou de veteranía, e conservou o sangue frío nos momentos decisivos. Velaí a clave da súa vitoria.