4 de Novembro de 2013

 

Rafael Nadal foi premiado hoxe en Londres pola ATP como o "regreso do ano", en recoñecemento pola súa traxectoria nesta temporada, na cal reapareceu após de sufrir diversas lesións.

 

Após da súa volta ás canchas en Febreiro deste ano, conquistou 10 títulos e logrou recuperar o número 1 mundial do ránking da Asociación de Tenistas Profesionais.

 

Outros galardóns:

 

Alén de Nadal, outros tenistas recibiron hoxe distincións. Os irmáns Bryan foron declarados "dupla do ano". É a quinta vez consecutiva que os estadounidenses conseguen este galardón.

 

Pola súa parte, Roger Federer foi premiado en tres categorías: "xogador preferido polos seareiros", "tenista con máis deportividade" e "tenista humanitario do ano"; propiciado este último pola labor da súa fundación en Suíza e en África. Finalmente, o español Pablo Carreño-Busta foi distinguido como o "progreso do ano", xa que ascendeu nesta temporada do número 715 do ránking ao 66.