29 de Novembro de 2013

 

Non cabe dúbida de que o tenista suízo, Roger Federer, non está a atravesar o seu mellor momento. Aos seus 32 anos, o considerado como o mellor tenista da historia permanece no sexto posto do ranking da ATP, e comeza a ser substituído pola afección por Rafael Nadal, Andy Murray e, sobre todo, polo carismático Novak Djokovic. Moitos dos seareiros deste deporte pensan xa que o seu momento pasou, que debería retirarse. No entanto, non é desta opinión outro mítico xogador de tenis, o romanés Ilie Nastase quen, entre outros logros, foi o primeiro número 1 do ranking da ATP, alá polo ano 1973.

 

Nastase síntese molesto cos que consideran que Roger Federer debe retirarse, pois considera que podería xogar até os 60 anos. "Non concordo con esas persoas que din que debe retirarse, malia non encontrarse na súa plenitude. Non, Federer non ten que demostrar nada, pode xogar con 60 se quere", manifestou en declaracións recollidas por Europa Press.

 

E é que ninguén pode permanecer no número 1 eternamente, tal e como sinalou o romanés de 67 anos.