10 de Decembro de 2013

 

Non puido ser. Esta a frase que, de seguro, están a pronunciar moitos dos seareiros do Noia FS. O seu equipo caeu na casa ante o Rios Renovables de Navarra en partido correspondente aos oitavos de final da Copa do Rei.

 

Os galegos aguantaron o empate a 0 durante case todo o primeiro tempo ante un rival de superior categoría, se ben nos últimos tres minutos un tanto de David e outro de Andresito puñan o 0 a 2 antes do descanso.

 

Á volta do intermedio, o Noia comezaba a desenvolver os seus mellores minutos, se ben un tanto de Joselito puña o 0 a 3. Posteriormente, un gol de Charli e outro de David sentenciaban aos noieses co 0 a 5 definitivo. A boa actuación do meta rival, unida á mala fortuna, impediron o tanto local.

 

Desta forma, o Noia FS queda eliminado da Copa do Rei de Fútbol Sala. Mágoa que o resultado non fixese xustiza aos seus méritos.