16 de Novembro de 2013

 

O Club Vigo Voleibol non levanta a cabeza. Esta tarde, caeu na casa por 0 a 3 ante o segundo clasificado, o CV L’Illa-Grau.

 

No primeiro set, os galegos encontraron de fronte cun equipo que se mostrou superior. O Club Vigo Voleibol non tivo opción ante un rival sólido, que levou o primeiro tramo do encontro por 14 a 25.

 

No segundo set, en cambio, o conxunto vigués demostrou outra cara, unha faceta máis competitiva, mais que foi insuficiente. Os visitantes levaban por 21 a 25 o segundo e por 18 a 25 o terceiro set.

 

Os vigueses seguen pechacancelas da Superliga Masculina de Voleibol, cun balance de 1 vitoria e 6 derrotas. A xornada que vén, recibirán de novo a outro dos equipos punteiros: o Vecindario. Esperemos que nesta ocasión os galegos encontren mellor fortuna.