6 de Decembro de 2013

 

Se a semana pasada o Baskonia daba un paso adiante para se clasificar para o Top 16 da Euroliga ao derrotar ao Panathinaikos por 79 a 77, hoxe os de Sergio Scariolo lograron o seu obxectivo ao vencer no Buesa Arena, por 79 a 63, a Lietuvos Rytas.

 

Se ben os lituanos saíron enchufados no encontro (cun parcial incial de 0 a 6), pouco a pouco os locais foron introducíndose no encontro e, mercé a unha tripla de Hamilton, os vascos conseguían cerrar o cuarto con marcador favorable (18 a 17). Non obstante, o Lietuvos Rytas non decaeu no seu xogo e, cun parcial de 12 a 21, conseguía marchar ao descanso con 8 puntos de vantaxe (30 a 38).

 

Foi este un encontro de grandes parciais. O terceiro cuarto constitúe un exemplo disto. Cun resultado de período de 23 a 11, os baskonistas conseguían marchar ao derradeiro por diante no marcador (53 a 49). A partir dese momento, Milko Bjelica e, sobre todo, Lamont Hamilton, convertéronse nos guías dos vascos cara a vitoria. Os vascos escaparon no marcador cara ao 14 puntos de distancia xa no minuto 3 deste derradeiro período por mediación dun espectacular parcial de 10 a 0 (63 a 49). O Lietuvos Rytas non puido seguir o ritmo do Baskonia, e finalmente acabou sucumbindo por 79 a 63.