9 de Xaneiro de 2014

 

Sería raro que a alguén puidese chamarlle a atención este titular. O Bayern de Múnic de Jupp Heynckes foi unha auténtica máquina de facer títulos e, malia o tropezo da Supercopa de Alemaña, a era de Guardiola parece que quere seguir por ese camiño.

 

O bo momento do momento non é, por tanto, só unha impresión. A Federación Internacional de Historia e Estatística no Fútbol (IFFHS) vén de confirmar que, segundo o seu ranking computacional, o conxunto alemán é o mellor equipo de fútbol do ano 2013. Desta forma, o Bayern consegue a dobre honra de ser o primeiro club alemán que logra esta posición (desde a creación do ranking en 1991) e mais a de desbancar ao Barcelona da primeira posición, a cal ocuparon os blaugrana por dous anos consecutivos (2011 e 2012). Precisamente chama a atención que os cataláns, malia gañaren a liga con solvencia (batendo records) e malia acadar as semifinais da Copa do Rei e da Liga de Campións, descenda ao quinto posto. Pola súa parte parte o Real Madrid, a pesar non gañar ningún dos tres grandes títulos en 2013, ascende á segunda posición.

 

Finalmente, destacamos o avance do Basilea suízo cara á sétima posición. O único equipo non europeo que figura entres os dez mellores do mundo é o Atlético Mineiro do Brasil. O top 10 de mellores clubes, segundo a clasificación da IFFHS queda, pois, do seguinte xeito:

 

Posición	Equipo	Puntos
1.º	Bayern de Múnic	370
2.º	Real Madrid	290
3.º	Chelsea	273
4.º	Atlético de Madrid	251
5.º	Barcelona	247
6.º	Paris Saint Germain	240
7.º	Basilea	239
8.º	Atlético Mineiro	238
9.º	Tottenham Hotspur	238
10.º	Benfica	232