6 de Novembro de 2013

 

Como ocorreu na pasada temporada, algúns dos xogadores e dos membros do corpo técnico do CB Breogán portan bigote nas súas caras. Co paso destes días, levarano todos. Representa este feito un acto de complot, de celebración ou de protesta? Non, representa un acto de solidariedade e de concienciación.

 

O Breogán apúntase ao Movember, movemento mundial (eminentemente ligado ao rugby, mais non en exclusiva) que pretende concienciar sobre a saúde do home e que loita contra as enfermidades masculinas, principalmente determinados tipos de cancro.

 

O club lugués puxo en marcha a campaña Movember Celeste, destinada a implicar aos seareiros/as neste movemento, na cal poden participar tanto como homes como mulleres (en calidade de MO-SISTERS) que queiran fotografarse cun bigote. O premio, un balón asinado por todo o plantel do Breogán.