9 de Novembro de 2013

 

No Pavillón de Navia (Vigo) as xogadoras do Celta, lideradas por Marta Canellas (11 puntos, 6 rebotes, 3 asistencias e 13 de valoración)  e por Begoña Pallardo (14 puntos, 5 rebotes, 2 asistencias e 12 de valoración), derrotaron esta tarde ao ABDA por un contundente 52 a 33.

 

Foi un partido de defensas, dominado en todo momento polas viguesas, aínda que as visitantes aguantaron o tirón no primeiro cuarto, o cal finalizaba con vantaxe de 3 puntos para as celestes (10-7).

 

O segundo cuarto foi unha exhibición celtiña. As locais, mercé a un gran traballo defensivo, conseguiron deixar en tan só 2 puntos ás rivais, acadando ao descanso un resultado de 34 a 9.

 

Na segunda metade, o Celta limitouse a manter a vantaxe obtida durante a primeira. Malia a reacción do ABDA no derradeiro cuarto (7 a 15), o encontro finalizou con vitoria para o Celta Baloncesto por 19 puntos de diferenza.

 

O Celta sitúase na cuarta posición da táboa clasificatoria.