23 de Novembro de 2013

 

O HC Liceo empatou a esta noite ante o Saint Omer en encontro correspondente á segunda xornada da Liga de Campións.

 

Os franceses sabían da calidade dos galegos, e por iso os tomaron como un rival a bater. Por iso, procuraron a meta liceísta por medio de contragolpes. Deste xeito, chegou o tanto de Florient David para os locais no minuto 18, o único do primeiro tempo.

 

Á volta do descanso, o partido presentaba outra cara para os herculinos grazas ao tanto de Toni Pérez no minuto 27. No 31, Eduard Lamas dáballe a volta ao partido (1 a 2). Aínda puido marcar Lucas Ordóñez o terceiro, mais a mala fortuna quixo que errase un penalti. Ao pouco, como se dunha mala pasada do destino se tratase, García convertía o 2 a 2 definitivo.