8 de Xaneiro de 2014

 

Imaxinan un mundial de fútbol a se disputar nos meses de outono ou de inverno? Pois deixen de imaxinar, porque en oito anos será unha realidade. A FIFA vén de confirmar que o próximo Campionato do Mundo de Qatar 2022 será disputado en datas comprendidas entre o 15 de Novembro e o 15 de Xaneiro.

 

Non se trata, con todo, dunha decisión caprichosa. Nos meses de Xuño ou Xullo, como é sabido, o clima desértico de Qatar provoca durante o día unha temperatura pouco apropiada para a práctica deportiva, de modo que existirían serios riscos para os futbolistas, e tamén para os espectadores.

 

Con todo, será un mundial invernal, mais non frío, xa que está previsto que nesa época do ano en Qatar se rexistre unha temperatura media de 25 ºC.