10 de Novembro de 2013

 

Esta xornada deixou un novo derbi galego na Segunda B, desta vez entre o Racing de Ferrol e o Celta B, encontro disputado no Campo Municipal de Barreiro.

 

O único gol do partido tivo lugar no minuto 5 de partido. Os diaños verdes dispuxeron dunha falta lateral, o lanzamento foi rexeitado pola defensa celeste e Víctor Vázquez, moi atento, anota o tanto, un gol que non celebrou por deferencia aos seus antigos compañeiros e aos seareiros celtiñas. Lembremos que o xogador formou parte das filas célticas até o 30 de Xuño deste ano.

 

Tras o descanso, o Celta B intentou varias variantes tácticas, mais ningunha lle deu resultado. O marcador non se moveu. O Racing gaña e sitúase en quinta posición a tres puntos do líder, o Guijuelo.