1 de Novembro de 2013

 

 

Esta tarde o Azkar Lugo enfrontarase a un dos grandes, o FC Barcelona Alusport. Será no Palacio Municipal dos Deportes de Lugo, ás 20:00 horas. Os cataláns chegan a terras luguesas con confianza, tras derrotar na pasada xornada a El Pozo Murcia por 2 goles a 1. No entanto, os de Lugo tampouco veñen de lograr un empate a 1 a domicilio ante o Umacon Zaragoza.

 

O choque pode parecer a priori desigual, xa que os cataláns chegan terceiros na clasificación e, os galegos, undécimos. Ademais, o Azkar non poderá contar co seu máximo goleador, Chano (expulsado a xornada pasada) nin tampouco con Diego Núñez (mancado). Porén, si contan co bo estado de forma de Cuco e cun bo feixe de motivación, polo cal de seguro que os lugueses han ofrecer a súa mellor versión ante os seus seareiros.