6 de Decembro de 2013

 

As seleccións galegas de rugby están a ultimar a súa preparación co obxectivo de afrontar con garantías a súa participación nos Campionatos de España deste deporte, torneos que se han disputar no mes de Xaneiro (o feminino) na Coruña e no mes de Marzo (o masculino) en Navarra.

 

Se o pasado día 1 a selección feminina se concentraba en Acea de Ama (Culleredo) con 8 xogadoras do Campus Ourense Rugby convocadas (Cecilia, Ana, Rebeca, Sofía, Andresa, Natalia, Belén e Débora; aínda que estas últimas non puideron participar por lesión), non é menos significativa a presenza de xogadores do Ourense Rugby Club para as concentracións masculinas sub 21 e sub 18 de Santiago de Compostela e de Culleredo.

 

Desta forma, no Campus Sur da Universidade de Santiago de Compostela estarán coa sub 21, convocados por Chamy Doval: Moisés Sánchez Veiga, Carlos Rodríguez Morgade, Pablo Feijoo Meléndez, Ángel Rodríguez González e Borja Dopazo Pérez.

 

Pola súa parte, coa sub 18 en Culleredo encontraremos entre os chamados por Enrique Cardona, como representantes do club ourensán, a Gonzalo Rodríguez de Una, Edison Gómez Peralta, Brunofranco Anta, Pablo Fernández González, Brais Martínez Rodríguez, Álvaro Ibarra Rodríguez, Joel Bayón Mosquera, Miguel Blanco Fernández, Jorge Calviño Souto e Eduardo Babarro Romay.

 

Á vista das circunstancias, non cabe dúbida de que Ourense supón a columna vertebral das seleccións galegas de rugby.