30 de Novembro de 2013

 

Un duro rival encontrou o CBF Pabellón no Al-Qáceres, de modo que as estremeñas acabaron por se impor con contundencia ante as galegas que, malia o partidazo da paraguaia Claudia Aponte (anotou 26 dos 45 puntos do seu equipo), apenas puido disputar a vitoria.

 

No primeiro cuarto, as galegas quedaban en tan só 10 puntos e, no segundo, en 7. Froito desta circunstancia, marcharon ao descanso cunha desvantaxe de 24 puntos, pois o resultado era 17 a 41.

 

Á volta do descanso, porén, o CBF Pabellón Ourense encontrou a forma de penetrar a defensa rival, mais non a maneira de frear o ataque visitante, de modo que resultado parcial do período foi de empate a 21. No entanto, no derradeiro período as visitantes devolveron ás ourensás á realidade e, de novo, deixaban ás locais en 7 puntos. Ao final do partido, o marcador reflectía 45 a 83 favorable para un Al-Qáceres que non perde corda na loita polo liderado que mantén co Ensino e co Universitario de Ferrol.