2 de Decembro de 2013

 

A noticia saltaba esta mañá, e facíaa pública canaldeportivo.com. Por medio dun comunicado, o antigo xogador do Deportivo, Paco Zas, anunciaba a súa renuncia á candidatura á presidencia do club herculino.

 

Paco Zas mostrouse satisfeito polo labor desenvolvido pola súa candidatura ao longo deste tempo, e mostrouse agradecido con todos os que apoiaron, con mención especial aos accionistas e socios que confiaron nel.

 

Zas sostén que a súa intención era de axudar á entidade en que se formou, mais dadas incógnitas relativas ao futuro do club, decidiu renunciar ás súas pretensións á presidencia.