3 de Decembro de 2013

 

O alemán Thomas Bach, presidente do Comité Olímpico Internacional (COI), gustaría de que a cidade de París acollese a celebración dos Xogos de 2024. Así o expresou nunha entrevista ao rotativo francés L’Equipe, onde sinalou que “o mundo olímpico sente aprezo polo encanto da cidade, polo entusiasmo de Francia polo deporte”. Por esta causa, animou publicamente ao goberno galo para que presentase unha candidatura olímpica para 2024, e incluso revelou que na elección producida en Xuño de 2005 para os Xogos de 2012 Londres venceu á capital francesa por un reducido abano de votos, de forma que “unha nova candidatura, ben preparada, ben presentada, tería moitas posibilidades”. De feito, así llo fixo saber a François Hollande durante a reunión que mantiveron este sábado.