2 de Decembro de 2013

 

A atleta de triplo salto nada de Ribeira en 1995, Ana Peleteiro; e as regatistas Sofía Toro (A Coruña, 1990) e Tamara Echegoyen (Ourense, 1984) foron premiadas esta tarde polo Consello Superior de Deportes (CSD) durante a gala dos Premios Nacionais do Deporte, celebrada no Palacio de El Pardo (Madrid).

 

As tres deportistas foron recoñecidas polos seus logros no pasado ano no cal, lembremos, Sofía Toro e Tamara Echegoyen conseguiran a medalla de ouro nos Xogos Olímpicos de Londres. Pola súa parte Ana Peleteiro, plusmarquista galega de triple salto feminino, logrou en 2012 converterse na campioa do mundo junior da súa categoría.