15 de Novembro de 2013

 

Segundo publica hoxe o xornal italiano La Gazzeta dello Sport, o campión de campións da natación, Michael Phelps, someteuse a dous controis antidopaxe da USADA o pasado día 1 de Outubro. Por que o fixo, se anunciou a súa retirada despois dos Xogos Olímpicos de Londres de 2012? Parece un claro indicio de que o norteamericano está a preparar o seu retorno para os Xogos Olímpicos de Río 2016.

 

Segundo o adestrador Bob Bowman, Michael Phels non deixou de exercitarse co resto de nadadores da selección en todo este tempo. Porén, nunca admitiu que o nadador estivese a preparar o seu retorno, pois alegaba que o facía para se manter en forma.

 

De estar a preparar o seu regreso, Phelps debería avisar da súa intención cun prazo mínimo de nove meses de antelación, polo que podería reaparecer no Campionato do Mundo de Kazán 2015.