4 de Decembro de 2013

 

O próximo día 22 a cidade de Vigo acollerá a 52ª edición do Gran Premio Pedreste do Nadal-Trofeo El Corte Inglés, popularmente coñecida como a Carreira do Pavo.

 

Segundo informa a Federación Galega de Atletismo, as persoas participantes na proba absoluta percorrerán a partir das 11:30 horas un circuíto de 8265 metros polas rúas céntricas da cidade olívica. A saída e a chegada terán lugar na Praza de Compostela. Igualmente, os corredores pasarán polas rúas Concepción Arenal, Montero Ríos, Carral e Victoria.

 

A carreira absoluta comprenderá seis categorías: junior (para os nacidos entre 1995 e 1996), senior/promesa (entre 19 e 34 anos), veteranos 1 (de 35 a 39 anos), veteranos 2 (de 40 a 49 anos), veteranos 3 (de 50 a 59 anos) e veteranos 4 (de 60 anos en adainte).

Por outra parte, con anterioridade a esta carreira terán lugar as escolares, as cales comprenden un percorrido de 3485 metros. A de cadetes será ás 10:45 horas e, a de xuvenís, ás 11:00 horas.

 

O prazo de inscrición finaliza o próximo día 18.