16 de Novembro de 2013

 

“Ariscamos e logramos vencer en 3 sets”. Declaracións de Tomas Berdych ao remate do encontro de dobre que mediu este tarde á República Checa contra Serbia en Belgrado.

 

Ao dúo conformado por Berdych e Stepanek pouco lle importou a presión infernal do Belgrado Arena. Os seareiros serbios fixeron o posible por impulsar cara á vitoria a dupla formada por Bozoljac e Zimonjic, mais o seu alento foi interceptado polo equipo checo, que adxudicou para si os dous primeiros xogos do primeiro set. Os serbios intentaron engancharse co 3 a 2, mais Stepanek mantivo o seu servizo e, no seguinte xogo, a parella checa rompía o saque dos locais. A final, os visitantes levaban o primeiro set con contundencia (6 a 2).

 

O segundo acto comezou do mesmo xeito. 2 a 0 para os checos. Desta vez, Bozoljac e Zimonjic aguantaron até o 5 a 4, mais Berdych co seu servizo logra un xogo en branco para o 6 a 4.

 

A historia foi ben diferente no terceiro e definitivo set. Os dous equipos mantiñan o seu saque, e chegouse ao empate a 5. Zimonjic, con apuros, salvagardou o seu saque e, con 6 a 5, parecía que ía haber cuarto set. Porén, Berdych e Stepanek lograban a igualada a 6, e no tie-break levaron o set (7-6), o partido e a vantaxe na eliminatoria (1-2). Veremos que nos depara a xornada de mañá.