25 de Novembro de 2013

 

Este venres, a tenista número 1 do ranking mundial, Serena Williams, foi distinguida pola WTA como a mellor tenista do ano 2013. Trátase dun recoñecemento á gran temporada que a estadounidense realizou durante esta campaña, na cal acadou o liderado da clasificación da WTA e na cal conquistou 11 títulos, entre eles o Roland Garros, o US Open e o WTA Championships.

 

É a quinta vez que a menor das Williams consegue este recoñecemento, o cal xa lle fora outorgado nos anos 2002, 2008, 2009 e 2012; e sitúase en número de ocasións en que obtivo este premio a dúas de Martina Nvratilova (con 7) e a tres de Steffi Graf (con 8).

 

Por outra parte, as italianas Sara Errani e Roberta Vinci, primeiras do ranking da WTA de dobres, recibiron este mesmo galardón na categoría de parellas.