23 de Novembro de 2013

 

Mala sorte para o Vigo Rugby Club, pois como a xornada pasada estivo a puido de lograr a primeira vitoria da temporada, esta vez no Pepe Rojo ante o CR El Salvador de Valladolid.

 

Adiantábanse os locais no minuto 16 po 7 a 0 ao converter un ensaio. No 20, un novo ensaio (sen converter) poñía o 12 a 0 e no 28, o resultado era xa de 19 a 0. Porén, os galegos non baixaron os brazos, e no 30 acurtaban diferenzas ao converteren un ensaio (19 a 7). Con todo, o CR El Salvador aínda sumaría 5 puntos máis antes do descanso, ao cal se chegou con 22 a 7 no marcador.

 

Mal comezou o segundo tempo para os galegos, que viron como no minuto 42 os locais lograban un novo ensaio (27-7). Porén, a reacción do Vigo Rugby Club non demorou. No minuto 50 lograban por mediación dun ensaio o 27 a 12, no 55 o 27 a 19 e no 62 o 27 a 22. Enganchábase o Vigo RugbyClub ao partido, feito que cobraba especial significado se temos en conta que o CR El Salvador é o cuarto clasificado da División de Honra. Non obstante, o no 68 os vallisoletanos se distanciaban a 8 puntos (34-22). Por mediación dun ensaio, os vigueses reducían distancias a 6 puntos (34-27) e, mediante un golpe de castigo, a 4 (34-30). Porén, os esforzos dos galegos na segunda parte non se viron recompensados.